जापानको रेल्वे स्टेशन वरपर क्षेत्रमा नेपालीहरु ‘प्रे फर नेपाल’ प्लेकार्ड बोकेर लामबद्व भई एक स्वरमा भन्दैछन् ‘नेपालका लागि प्रार्थना’ अनि भन्दैछन् ‘हाम्रो देशलाई आर्थिक सहयोग गर्नुहोस् ।

‘भवन भट्टको नेतृत्वमा सुरु भएको ‘भूकम्प पीडित उद्वार तथा सहयोग समिति २०१५’ नामक अभियान अन्तर्गत सिबुया रेल्वे स्टेशनबाट सुरु भई हालसम्म आउँदा जापान भरिका नेपालीहरुले अनुशरण गरिरहेका छन् ।

समितिको तर्फबाट टोकियोबाट सुरु गरिएको अभियानको नेतृत्व शरद गौचनले गरेको छ । टोकियो बाहिरका नेपालीहरुले आफ्नो अनुकूलतामा पनि संचालन गरिरहेका छन् ।

सो अभियानबाट जापान भरि मात्रै १ करोड भन्दा बढी उठ्ने अनुमान लगाउन सकिन्छ । त्यस्तै गरि नेपाली विद्यार्थीहरुले पनि आ-आफ्नो स्कूलहरुसँग सहकार्य गरि आर्थिक संकलन अभियान चलाईरहेका छन् ।

समितिका संयोजक भट्ट हाल नेपालमा छन् । उनले गैर आवासीय नेपाली संघको तर्फबाट १ करोड भूकम्प पीडितलाई दिने घोषणा गरिसकेको छ ।