ताजा समाचार

काठमाडौ, वैशाख ८ - लोप भइसकेको अनुमान गरिएको जंगली चौंरीगाई हुम्लामा भेटिएको छ। २०७१ जेठ ३१ मा 'प्रकृतिका साथीहरू' संस्थाका अनुसन्धानकर्ताले हुम्लाको लिमी खर्कमा खिचेको भिडियो र तस्बिर जंगली चौंरीगाईकै भएको आईयूसीएनका वैज्ञानिक तथा प्राकृतिक विज्ञान संग्रहालयले

पुष्टि गरेको हो ।

नेपालका स्तनधारी बारेको रेड डेटालिस्टमा जंगली चौंरीगाईलाई 'यकिन नभएको, सम्भवतः लोप भइसकेको प्रजाति' भनिएको छ। लिमी क्षेत्रमा भेटिएपछि नेपालमा यो दुर्लभ वन्यजन्तु अझै बढी हुन सक्ने अनुमान गरिएको छ। अनुसन्धान टोलीले यो वन्यजन्ुतबारे थप वैज्ञानिक अध्ययन गर्न सरकारलाई सुझाव दिएको छ। अठारौं शताब्दीसम्म यो प्रजाति काजकिस्तान, मंगोलिया र रुसमा समेत पाइन्थ्यो। भुटानबाट पनि यो लोप भइसकेको अनुमान छ।

वन्यजन्तु सप्ताहको समापन समारोहमा सोमबार अनुसन्धान टोली प्रमुख राजु आचार्यले प्रस्तुति दिएका थिए। खिचिएका तस्बिर र भिडियोको वैज्ञानिक पुष्टि गर्न समय लागेकाले ११ महिनापछि बल्ल सार्वजनिक गरिएको आचार्यले उल्लेख गरे।

वन विभागसँग स्वीकृति लिएर

ब्वाँसो र रातो प्fm्याउरोको अध्ययनका लागि गएका बेला टोलीले चौंरीगाई भेटेको हो।

ब्वाँसो र रातो फ्याउरोमा विद्यावारिधि गर्दै गरेकी स्विटजरल्यान्डकी जेराल्डिनी वेरहानले तस्बिर खिचेकी हुन्। टोलीमा आचार्य र वेरहानसहित यादव घिमिरे, विधान अधिकारी, नरेश कुसी, विनोद कुँवरलगायत थिए। टोलीले ५ हजार मिटर माथिका पठारका फरक ठाउँहरूमा ६ वटा जंगली चौंरीगाईको तस्बिर र भिडियो खिचेको आचार्यले कान्तिपुरलाई बताए।

२०७० सालमा पनि उक्त क्षेत्रमा आचार्य र घिमिरेलगायतको टोलिले जंगली चौंरीगाईका पदचिह्न, गोबर, छाला तथा जीउका विभिन्न भागको अवशेष भेटेका थिए। यसलाई नेपालसहित भारत र चीनमा संरक्षित स्तनधारीमा सूचीकृत गरिएको छ। सन् १९९५ मा विश्वभर १५ हजारभन्दा कम रहेको अनुमान गरिएको यो वन्यजन्तु हालका दिनहरूमा झन् घटेको आचार्य बताउँछन्। ४ देखि ६ हजार १ सय मिटरसम्मको उचाइमा बस्ने यो प्रजाति समूहमा बस्न रुचाउँछन्। ५ सयदेखि ५ सय ५० किलोग्रामसम्म तौल हुने यो याकभन्दा आकार र तौलमा बढी हुन्छ। जंगली चौंरीगाईको जुरो निकै माथिसम्म उठेको हुन्छ भने थुतुनो वरिपरि हल्का सेतो तथा खैरो रङ हुन्छ। यिनीहरूको सिङ अगाडितिर फर्किएको हुन्छ। यो वन्यजन्तुले असारदेखि भदौसम्म सहवास गर्छन् र करिब २ सय ५८ देखि २ सय ७० दिनमा बच्चा जन्माउँछन्। अनुसन्धानकर्ताहरूले लिमी उपत्यका वन्यजन्तुको स्वर्ग नै भएको बताए। यस क्षेत्रमा विश्वमै दुर्लभ मानिने हिउँ चितुवा, कस्तुरी मृग, रातो भालु, रातो फ्याउरो, घोवा, नायन, ब्वाँसो र जंगली गधा पाइन्छन्।

एजेन्सी – भारतीय मूलकी क्यानेडियन अभिनेत्री हुन्,सन्नी लियोनी । भारतमा अहिले उनको ठूलो चार्म छ । सन् २०१४ मा उनी भारतबाट गुगलमा सबैभन्दा बढी खोजिएकी व्यक्तिमा दरिएकी थिइन् । भारतीयहरुले गुगलमा उनलाई प्रधानमन्त्री नरेन्द्र मोदीलाई भन्दा बढी खोजेका थिए । सन्नीको बजारभाउ यसरी बढ्नुमा उनको पोर्नस्टार छविले ठूलो काम गरेको छ । संसारले उनलाई यसअघि पोर्न स्टार भनेर चिन्थ्यो । अहिले बलिउड स्तार भनेर चिन्छ । आफूले आफैंलाई कसरी चिन्नुभएको छ भनेर कसैले गरेको प्रश्नमा उनले कुनै तपस्वीझैं गरी भन्ने गरेकी छन् – म को हुँ भन्ने मलाई नै थाहा छैन । आफ्नोबारे मलाई कतिसम्म थाहा छ भने अरुले मलाई जो हो भनी सम्झिएका छन्,म त्यो होइन ।’ आफूलाई उनी साधारण युवती बताउँछिन् । तपाईं कसरी पोर्न इन्डस्ट्रीमा प्रवेश गर्नुभयो भनी कसैले प्रश्न गर्दा उनी सीधै बाल्यकालमा फर्किन्छन् । सन्नी लियोनीका बाबु शिख समुदायका थिए । त्यही भएर क्यानडामा रहेको गुरुद्वारमा उनी सानैदेखि जाने गर्थिन् । ‘गुरुद्वारा पुगेर म र मेरो भाइ भजनकीर्तन गाउने गथ्र्यौं । हरेक शनिबार गुरुद्वारा पुग्नैपर्ने नियम घरमा थियो । यसले मलाई सानैदेखि अध्यात्मिक बनायो’सन्नी थप्छिन् । भरमा उनलाई करनजित कौर बोहरा भनी बोलाइन्थ्यो । अध्यात्मिक बालिका कसरी पोर्न स्टार बन्न पुगिन् त ? सन्नी १३ वर्षकी भएपछि उनको परिवार बसाइ सरेर अमेरिकाको क्यालिफोर्निया पुग्यो । क्यालिफोर्नियामै सन्नीले पढाइ अघि बढाउन थालिन् । क्यालिफोर्नियाको नयाँ माहोल र नयाँ फ्रेन्ड सर्कलले उनलाई करनजितबाट सन्नी बनायो ।आजको नयाँ पत्रिका दैनिकमा खबर छ ।

पानी जीवन हो भन्दा पनि अतियुक्ति हुँदैन । पानी विना हामी केही बेर समेत रहन सक्दैनौं । तर पानी जुन बेला पायो त्यही बेला भने पिउन नहुने आयुर्वेदमा उल्लेख छ । पूर्वीय दर्शनको औषधी विज्ञान नै मानिने आयुर्वेदले पानी कुन कुन बेला पिउँदा घातक भनेर उल्लेख गरेको छ ।

आयुर्वेदमा उल्लेखित र विशेषज्ञ चिकित्सकहरुले समेत सही ठानेका पानी पिउन नहुने १० अवस्था यहाँ चर्चा गरिएको छ ।

१ अति नै थाकेको बेलाः एकदम थाकेको समयमा वा पसिना आउने गरी श्रम गरे लगत्तै पानी पिउनु घातक हुन्छ । केही समय विश्रामपछि मात्र पानी पिउनु पर्छ ।

२ दौड या ब्यायामपछिः दौडेपछि वा ब्यायाम अर्थात शारीरिक अभ्यास लगत्तै पानी पिउनु हुँदैन । शारीरिक अभ्यासपछि असिन पसिन भएको भएपनि केहीबेर विश्राम गरेर मात्र पानी पिउनु पर्छ ।

३ मैथुन कार्य गर्ने वित्तीकैः यौन क्रिडा गरे लगत्तै पनि तत्कालै पानी पिउनु हुँदैन । केही बेरपछि मात्र पानी पिउनु पर्छ ।

४ अति नै भोक लागेको बेलाः अति नै भोक लागेको बेलामा पानि पिउनु घातक हुन्छ । अति भोकपछि केही खाना खाएपछि मात्र पानी पिउनु पर्छ ।

५ शरीर असजिलो अवस्था वा आसन मा छ भने साथै सुतेको अवस्थामा पनि पानी पिउनु हुँदैन

६ खाना खानु तुरुन्त अगाडी र तुरुन्त पछाडी पानी पिउनु स्वास्थ्यका लागि घातक मानिन्छ ।

७ अति तातो चिज खाने वित्तिकै पानि पिउनु वर्जित छ । केही बेरपछि मात्र पानी पिउनुस् ।

८ पानी पिए लगत्तै सत्नु अहितकर मानिन्छ ।

९ फलफुल खाएपछि पानी पउनु राम्रो मानिदैन । फलफुल खाएको केही बेरमा मात्र पानी पिउनु राम्रो मानिन्छ ।

१० सुर्ती चुरोट धुवाँ तथा खैनी गुट्खा सुपारी सँगै पानि पिउनु घातक मानिन्छ ।

Home